منتـديات شبكــــة عـمـران القـانـونـيـة




 
 عدد الضغطات  : 0

العودة   منتـديات شبكــــة عـمـران القـانـونـيـة المنتديات الخاصة منتدي الفنون العربية منتدي الشعر والقصة

إضافة رد
   
أدوات الموضوع إبحث في الموضوع

  #1  
قديم 25 / 02 / 2006, 27 : 05 PM
الصورة الرمزية حمدى الاسيوطى
حمدى الاسيوطى غير متواجد حالياً
فارس الشبكة
 
تاريخ التسجيل: 08 / 03 / 2005
الدولة: مدينه الشيخ زايد-6 اكتوبر مصر
المشاركات: 35
افتراضي احمد فؤاد نجم - (الفاجومى) - قصائد

نقرتين لعرض الصورة في صفحة مستقلة

موال الفول واللحمة

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول

مع تحياتى -حمدى الاسيوطى
helassuoty@yahoo.com

التعديل الأخير تم بواسطة مازن اسماعيل ; 21 / 08 / 2010 الساعة 06 : 02 AM
رد مع اقتباس

  #2  
قديم 26 / 02 / 2006, 23 : 11 AM
الصورة الرمزية محسن صالح
محسن صالح غير متواجد حالياً
مشرف عام
 
تاريخ التسجيل: 03 / 05 / 2003
المشاركات: 156
افتراضي

والله كلام جدا معقول
اللى بياكل لحمة ياأبنى
مش زى اللى بياكل فول
اللى بياكل لحمة ياأبنى
ده دايما راجل مسئول
وبيحتاج الساءل دايما
يبقى مخه مخ عجول
تيجوا نغيظه تيجو نقول
أبدا تانى ماناكل فول
...........................................
__________________
نقرتين لعرض الصورة في صفحة مستقلة
رد مع اقتباس

  #3  
قديم 26 / 02 / 2006, 43 : 02 PM
الصورة الرمزية ابراهيم عمران
ابراهيم عمران غير متواجد حالياً
رئيس مجلس الادارة ووكيل مجلس نقابة المحامين بالجيزة
 
تاريخ التسجيل: 15 / 04 / 2003
الدولة: مصر
المشاركات: 5,664
افتراضي

مش منظرة ولا برجوازية
احنا تعبنا من الطعمية
أصل السوس نخور ابدانا
والمسئول ضيع احلامنا
حتى ابويا فى يوم علمنا
أن الفول هايكون صديقنا
وان سالت فى يوم عن غيره
يبقى قفانا مكان وشوشنا
نفضل ناكل وبنتالم
ولا حرية ولا نتكلم
بس الصبر ياناس له حدود
واحنا بنعلن لكل الوجود
مش منظرة ولا برجوازية
احنا تعبنا من الطعمية
__________________
نقرتين لعرض الصورة في صفحة مستقلة
أنت المشاهد رقم
نقرتين لعرض الصورة في صفحة مستقلة
رد مع اقتباس

  #4  
قديم 26 / 02 / 2006, 44 : 06 PM
الصورة الرمزية حياة محمود
حياة محمود غير متواجد حالياً
طاقم الاشراف
 
تاريخ التسجيل: 15 / 04 / 2003
الدولة: مصر - الجيزة
المشاركات: 735
افتراضي

اه والله كلام معقول
اللي بياكل لحمة يابني
ده دايما راجل مسئول
مش شايل للدنيا هموم
مين اكل ومين مأكول
لامتي هنبقي بتوع الفول
واللحمه بس للمسئول
تعبنا خلاص من اكل الفول
لازم بيقي فية تغير
تغير اللحمه والمسئول
علشان كله ياكل لحمة وفول
للابد نغير المسئول
تعالوا نحط ايدينا في ايد بعضينا
لاجل نغير المسئول
احنا تعنبا خلاص من الفول
يبقي نغير المسئول
__________________
نقرتين لعرض الصورة في صفحة مستقلة
رد مع اقتباس

  #5  
قديم 28 / 02 / 2006, 08 : 11 PM
الصورة الرمزية حمدى الاسيوطى
حمدى الاسيوطى غير متواجد حالياً
فارس الشبكة
 
تاريخ التسجيل: 08 / 03 / 2005
الدولة: مدينه الشيخ زايد-6 اكتوبر مصر
المشاركات: 35
رجعوا التلامذة 000احمد فؤاد نجم

رجعوا التلامذة

رجعوا التلامذة
ياعم حمزة
للجد تانى
يامصر انتي
اللى باقية وانتى
قطف الاماني
لا كوره نفعت
ولا اونطه
ولا المناقشة وجدل بيزنطه
ولا الصحافة
والصحفجية
شاغلين شبابنا
عن القضية
قيمولنا صهبة
يا صهبجية
ودوقونا طعم االاغانى
رجعوا التلاميذه
للجد تاني
طلعوا التلاميذه
ورد الجناين
اسمع يا ميلص
وشوف وعاين
ملعون ابوك ابن كلب خاين
مع تحياتى
حمدى الاسيوطى HELASSUOTY@YAHOO.COM
رد مع اقتباس

  #6  
قديم 04 / 05 / 2006, 27 : 02 AM
الصورة الرمزية ابراهيم عمران
ابراهيم عمران غير متواجد حالياً
رئيس مجلس الادارة ووكيل مجلس نقابة المحامين بالجيزة
 
تاريخ التسجيل: 15 / 04 / 2003
الدولة: مصر
المشاركات: 5,664
افتراضي

ياعم حمدى
ياعم نجم
التلامذة راحوا
التلامذة راحوا
راحوا يشدوا بانجو
والمعانى ضيعوها
لما الكبار وقفوا يغنوا
للمفاسد وروجوها
بس لازم يجى يوم
نلقى التلامذة راجعه فيه
يفهموا معنى القضية
والمعانى يفسروها
رد مع اقتباس

  #7  
قديم 09 / 05 / 2006, 04 : 10 PM
الصورة الرمزية حياة محمود
حياة محمود غير متواجد حالياً
طاقم الاشراف
 
تاريخ التسجيل: 15 / 04 / 2003
الدولة: مصر - الجيزة
المشاركات: 735
الله عليك يا استاذنا / حمدي الاسيوطي
طبعا الاستاذ الكبير / احمد فؤاد نجم هو فعلا نجم الكلم في هذا العصر حيث يناقش سلبيات هذا العصر ويحث الشعب علي التحدث وعدم الخوف بجرائتة المعتادة التي يتناولها في كتاباته



هربوا التلامذه يا عم حمزه
نسيوا بلادهم نسيوا قيمنا
راحوا للمفاسدونسيوا اصولهم
نسيوا ان دينهم دين جهاد وعقيدة
هربوا وراحوا وراء البتاع اللي فسد العيال
نسيوا ارضهم ووطنهم ودينهم ومبادئهم بسبب البتاع اللي لاهي البتوع
راحوا ورا البتاع والشعر المفلفل والجيل ونسيوا القضية وانشغلوا عنها بالبتاع
يا عم حمزه هما فين التلامذة
اللي كانوا نبض الامة وصوت الحق
راحوا التلامذه يا عم حمزه سبب البتاع
بس لازم ياعم حمزه ترجع التلامذه لصوبها تاني
ويجي يوم نلقى التلامذة راجعه فيه
يفهموا معنى القضية والحق فين
والمعانى يفسروها وعلي كلمه الحق يثبتوها
لازم يجي يوم يفهموا ان القضية هما اصحبها
ومصر ام الدنيا يرفعوها هما شبابنا بالحق لازم يعوضوها
يا تلامذه انتوا الامل هموا وقومواوانهضوا يالامة تاني


تحياتي للجميع
__________________
نقرتين لعرض الصورة في صفحة مستقلة

التعديل الأخير تم بواسطة حياة محمود ; 09 / 05 / 2006 الساعة 09 : 10 PM
رد مع اقتباس

  #8  
قديم 09 / 05 / 2006, 16 : 10 PM
الصورة الرمزية حياة محمود
حياة محمود غير متواجد حالياً
طاقم الاشراف
 
تاريخ التسجيل: 15 / 04 / 2003
الدولة: مصر - الجيزة
المشاركات: 735
افتراضي

استاذي الجليل / ابراهيم عمران

ادعي معانا التلامذه ترجع للحضن تاني
ويبقي التلامذه تلامذة زمان زمان اللي كان
ويرجعوا للام تاني الام مصر مصر الحبيبة
ويبعدوا عن البانجوا والبتاع اللي ضيع التلامذه وخرب عقولهم
ادعي معانا التلامذه ترجع للحضن تاني

تقبل تحياتي
__________________
نقرتين لعرض الصورة في صفحة مستقلة
رد مع اقتباس

  #9  
قديم 09 / 05 / 2006, 33 : 10 PM
احمد الاشول غير متواجد حالياً
عضو مسجل
 
تاريخ التسجيل: 12 / 03 / 2004
المشاركات: 180
افتراضي

الحمد لله انا خلصت دراسه
رد مع اقتباس

  #10  
قديم 24 / 02 / 2009, 25 : 04 PM
ايهاب وافى
زائر
 
المشاركات: n/a
افتراضي ديستان( لعم نجم )

فاليري جيسكار ديستان
والست بتاعة كمان
حيجيب الديب من ديله
ويشبع كل جعان
يا سلاملم يا جدعان
ع الناس الجنتلمان
داحنا حنتمنجة واصل
وحتبقى العيشة جنان
التليفزيون حيلون
والجمعيات تتكون
والعربيات حتمون
بدل البنزين
بارفان
وحتحصل نهضة عظيمة
وحيبقى علينا القيمة
فى المرسح او في السيما
او ف جنينة الحيوان
وحتبقى الاشيا زلابية
ولا حوجة لسوريا وليبيا
وحنعمل وحده ارابيا
مع لندن والفاتيكان
والفقرا حياكلوا بطاطا
وحيمشوا بكل الاطة
وبدال ما يسموا شلاطة
حيسموا عيالهم
جان
واد بفضل صديكي
ديستان الرومانتيكي
ولا حدش فيكو شريكي
فى المسكن
والدكا
رد مع اقتباس

  #11  
قديم 24 / 02 / 2009, 26 : 04 PM
ايهاب وافى
زائر
 
المشاركات: n/a
افتراضي يا مصر (لعم نجم)

فلاحينك هما هما
فلاحين رمسيس وخوفو
جيش
لا عيش ولا زمزميه
فى الهجيره تبل جوفه
المرض للموت يجرة
وهو ماشي
يجر خوفه
أعمي
سالك سكه عتمه
خطوته
على قد شوفه
رد مع اقتباس

  #12  
قديم 24 / 02 / 2009, 28 : 04 PM
ايهاب وافى
زائر
 
المشاركات: n/a
افتراضي أخر الكلام(لعم نجم)

وآه يا خي اه
ياخي
كنا نملا الدنيا ضي
بس اه
لو كنا زي
الف اه
واه يا خيكنا جبنا الشمس
من برج الاسد
واديناها للعيال
غزل البنات
يطبعوها ع الهدوم
والكراسات
يشبكوها
ورد شعور البنات
ينظموها
عقد من شر الحسد
يضوي نوره
لما يضوي
كل حاره وكل حي
بس اه لو كنا زي
الف اه
واه ياخي
كنا المظلوم اذا هاجم
جري
كنا لو كان السلاح فى يدنا
والمعارضه
يد واحده عندنا
دسنا شاهنا
وامريكانه بنعلنا
وابتدينا الثوره
من اوسع طريق
كان تمنتاشر يناير
ف الشوارع لسه حي
بس اه
لو كنا زي
الف اه
واه ياخي
رد مع اقتباس

  #13  
قديم 24 / 02 / 2009, 29 : 04 PM
ايهاب وافى
زائر
 
المشاركات: n/a
افتراضي الخط دا خطي(لعم نجم)


الخط دا خطي
والكلمة دي
ليا
غطى الورق غطي
بالدمع يا عنية
شط الزتون شطي
والارض عربية
نسايمها انفاسي
وترابها من ناسي
وان رحت انا ناسي
ما تنسانيش هى
والخط دا خطي
والكلمة دى ليا
لاكتب على عينى
يحرم عليكى النوم
واحبس ضيا عينى
بدموعى طول اليوم
قبل الوفا بديني
زي الصلا والصوم
والدين فى عرف الحر
هم ومذلة ومر
وشجون تصون وتجر
احزان مخبية
والخط دى خطي
والكلمة دى ليا
لاكتب على كفي
والحبر من دمي
ياهمتي كفي
يا عزوتى ضمي
اول ما ح نوفي
بالوعد
ح نسمي
باسم اللى ماتوا صغار
فى المدرسه والدار
والمصنع اللي انهار
فوق الصنا يعية
والخط دا خطي
والكلمة دى ليا

التعديل الأخير تم بواسطة حياة محمود ; 27 / 03 / 2009 الساعة 06 : 09 PM
رد مع اقتباس

  #14  
قديم 24 / 02 / 2009, 31 : 04 PM
ايهاب وافى
زائر
 
المشاركات: n/a
افتراضي كلب الست (لعم نجم)

فى الزمالك
من سنين
وف حما النيل القديم
قصر
من عصر اليمين
ملك واحدة من الحريم
صيتها اكتر م الادان
يسمعوه المسلمين
والتتر والتركمان
والهنود والمنبوذين
ست فاقت ع الرجال
فى المقام والاحترام
صيت وشهره وتل مال
يعنى فى غايه التمام
قصره يعني هى كلمة
ليها كلمه فى الحكومه
بس ربك لجل حكمه
قام حرمها م الامومه
والامومه
طبع ثابت
جوه حوا من الزمان
تعمل ايه الست
جابت
فوكس رومي وله ودان
فوكس دا عبقال املتك
عندة دستة خدامين
يعنى مش موجود فى عيلتك
شخص زية يا اسماعين
واسماعين دا يبقى واحد
م الجماعة التعبانين
اللي داخوا فى المعاهد
والمدارس من سنين
حب يعمل واد فكاكة
يمشي حبة فى الزمالك
والقيامة والفتاكة
يرموا طبعا ع المهالك
عم سمعة من قيامتة
حب يعمل فيها فلة
بعد ما الوظ بيجامتة
اشترى حتة مجله
قول مشي يقرا فى حكاية
من حكايات الغرام
واندماجة فى القرايه
خلا مشيه مش تمام
ع اليمين يحدف بعيد
خطوتين ويروح شمال
لمحه فوكس من الحديد
قال دا صيد
سهل حلال
هب نط فى كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلى مالها ؟
بص شاف الدم سايح
من عاليها ومن واطيها
وياللى جاي
وياللي رايح
المجله مش لا قيها
حبه واتلموا الظنايا
اللى هما البوابين
والحكايه والروايه
قال لهم
دا كلب مين
كلب مين
ما كلب مينشى
سمعه لبخ حبتين
قال واحد منهم
امشى
اللى جابك عنده مين؟
قال دا شارع يا مواشي
والجميع بيمر منه
اللى راكب
اللى ماشى
مستحيل نستغنى عنه
كلمه من دا
وكلمه من دا
ظاطو واترسمت فضيحه
قول نهايته
القصد من دا
اسماعين اكل الطريحه
راحو قسم الشرطه طبعا
والنيابه كفيله بيهم
واترموا فى الحجز جمعا
لما ييجي الدور عليهم
حبة والشاويش امين
قال : سعيد النقشيندي
قام غريم عم اسماعين
قال لة:
محسوبك يا افندي
قام سي سمعه
يروح معاه
الشاويش قال :
غور بدمك
راح تعوصنى
وفوق قفاه
كف طرقع
داهيه ف امك
تفتكر يفضل سي سمعه
قد ايه فى القسم نايم ؟
استضافه الحجز جمعه
يا بلاش
ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب ... مالي ؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه .. بالبتاعه
رد مع اقتباس

  #15  
قديم 27 / 03 / 2009, 02 : 09 PM
الصورة الرمزية حياة محمود
حياة محمود غير متواجد حالياً
طاقم الاشراف
 
تاريخ التسجيل: 15 / 04 / 2003
الدولة: مصر - الجيزة
المشاركات: 735
افتراضي

ابكى
ابكى يا عيون ودمعك راح يهون
ابكى ونوحى دايما دا اتزيد جروحى
ابكى وقاسى ودمعك عم يواسى
ابكى على البكاء حتى القلم تعب واشتكى
ابكى واحكى على المراره والدنيا الغداره
ابكى على تراب الوطن ومتل ما فيه ولدنا راح نندفن
ابكى يا قلم ونوح وكون بلسم للجروح
ابكى على الاحباب اللى صاروا سراب
نوحى يا دموعى وصيحى القلب والله بالغربه جريحى
ابكى ياعين على القلب المكسور اللى دايم من الدنيا مقهور

ـــــــــــــــــــــ
تحياتي يا استاذ ايهاب

__________________
نقرتين لعرض الصورة في صفحة مستقلة
رد مع اقتباس
إضافة رد


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 45 : 03 AM.


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir

المشاركات المنشورة في شبكة عمران القانونيه لا تعبر عن رأي إدارة المنتدى ولا تمثل إلا رأي كاتبها فقط ..

جميع الحقوق محفوظة لشبكة عمران القانونيةAd Management by RedTyger